Smooth,,

فطوري الْيَوْمَ تخبيص كنت أبغى اكل شيء فيلو بروتين بس فكرت اخبص بشيء وأجرب

طعمه حلو عادي والله 🌚

مكوناته :

موزه ونص

توت ازرق

بازلاء ٣٠٠جرام( كنت أبغى بروتين باودر بس اتراجعت وفكرت فاصوليا بيضا بس دايم اسويها فقلت اغير)

ممكن سبانخ بس م عندي

ضربته بالخلاط مع شوي مويا ورشيت عليه زبيب اسود وشوفان ولوز مبشور (ممكن بذور الشيا كمان)

طعمه حلو مقبول ،البازلاء شوي طعمها ظاهر ممكن تكثروا موز بس حيزيد السكر والكارب ☹️💔

قيمته الغذائيه :

شوربه العدس ،،

سلاااام ،،.

هالفترة لان قربت امتحاناتي مرره مشغوله فقلت التدوينات اللي راح انزلها اغلبها حتكون وصفات نباتيه وحتكون طبخ نفس يومي لان الصراحه حتكون كتابه سريعه وم تحتاج تدوين بتركيز مثل التدوينات الرياضيه ☹️💔

اعذروني هالفتره🙏🏻،،

شوربه العدس أنا الصراحه جربت ثلاث أو اربع وصفات كتغير لكن رجعت لنفس وصفه أمي 💖، م استسيغ طعم غيرها البعض يحط قرع وبعضهم جزر وجربت وحده فيها فلفل رومي بس كلهم م عجبوني كفايده صحيه وقيمه غذائية حلوين لكن الطعم م عجبني 💔☹️

عشان كده راح انزل وصفه أمي الله يحفظها 😁 ( الوصفه تكفي ل٧ أشخاص أو ٧ ايام فَلَو كنتوا مثلي تجهزوا للاسبوع المقادير لاسبوع كامل💪🏻)

المكونات :

كوبين عدس اصفر

ثلاث فصوص ثوم

حبه بصل متوسطه

حبه طماطم متوسطه

حبتين بطاطس مقطعه مكعبات أو اللي يعجبكم المهم مو تقطيع رفيع

بهارات ( ملح ، فلفل اسود ، كزبره ناشفه ، كمون مطحون)

الطريقه :

اول شيء يتنقع العدس أنا أفضل من الليل انقعه والصبح استخدمه السبب عشان م يسبب انتفاخ ومشاكل بالقولون لانه من البقوليات

بعد م أنقعه اغسله مره اخيره عشان كل هالفقاقيع تروح واغليه مع كوبين مويا لين يستوي ،

بقدر ثاني أحط البطاطس مع شوي زيت يتشوح ، وأخذ الثوم والبصل والطماطم اخلطهم بالخلاط واضيفهم للبطاطس بعد م يتشوح بعده أضيف البهارات رشه ملح وفلفل اسود وملعقه اكل كزبره وكمون ( ممكن تضيفوا قرن فلفل أو شبت أو كزبره خضراء ) 😊

بعد م يستوي العدس أخلطه بالخلاط لين ينطحن وبعده اضيفه عالبطاطس والبهار وبس اتركها تتسبك شوي .

ممكن تاكلوها لحالها أو مع خبز أو رز 😋

القيمه الغذائيه للطبق الواحد

سموذي الفطور

سلام ،، ي صباح السعادة عالكل يارب 🙏🏻

ده السموذي أنا كنت غالبا اشربه برمضان المهم انه بالنسبة لي وجبه رئيسيه 😂 المفترض لونه اخضر بس فيه مكون بمجرد يدخل يصير لونه احمر ومكوناته كثيره فلاتحسبي انه قليل السعرات مثلا بس إنتي تتحكمي بالمكونات حطي اللي يعجبك

مكوناته :.

جزر، خيار،خس، نعناع،كرفس،بقدونس،سبانخ،جرجير،شمندر،تفاحه خضراء،برتقال،ليمون (a lot of vegetables 😂)

وفِي كأسه صغيره أحط مره شوي مويا واضيف ملعقه بذور الشيا وبعده اتركها خمس دقايق ثم أضيفها فوق السموذي😋

وصحتين وعافيه 😂

توي مسويته وقلت انزله وانا اشرب أضفت له كوب فاصولياء بيضاء (بروتين) 💪🏻 ( كوب الفاصولياء عندي حجمه = ٣٥٠مل )

القيمه الغذائيه لهالوصفه مع العلم أني حطيتها باربع كاسات 🌚

كل كأسه تحتوي ع :👀

ححاول قد مااقدر أني بكل مره احط وصفه أحط القيمه الغذائيه 💁🏻‍♀️

كيف اجهز جدول للتمارين؟

اولا بعد م حددتي هدفك وخلاص قررتي انك راح تبدين تمارين 🤗

جيبي المتر وقيسي جسمك وزنك اول م تقومي لان معدتك وقتها فاضيه 🐒

قيسي الزنود “تراي وباي”💪🏻، الخصر ، الفخد والبطه ، البطن ،الصدر، الخصر ، الموخره)

الان بنقسم العضلات 😣

عضلات كبيره (الرجل، الصدر ،الظهر، الاكتاف

عضلات صغيره (التراي، الباي، البطه )

البطن تعتبر من العضلات الكبيره 😩بس لازم تمرنيها ٣مرات اسبوعيا وهي تضيفيها مع العضلات اللي بتمرنيها بنفس اليوم.

طيب عندك خيارين عشان تجهزي جدولك: 😐

١/ ممكن تقسمي عضلاتك ع شكل علوي وسفلي يعني ، الْيَوْمَ السبت تمرني ( صدر وظهر وكتف وتراي وباي ) 🙂

بكرا الأحد تمرني( الفخذ والموخره والبطه والبطن) 🙂

٢/عضله كبيره وعضله صغيره🌚

يعني الْيَوْمَ السبت (معلقه عاليوم ده)😂رجل وبطن / الأحد صدر وتراي / الاثنين الظهر وباي/ الثلاثاء الاكتاف والبطه، وتعيدي 🤗 أو تاخذي اولا البطن تحطيها يوم السبت والاثنين والاربعاء وبعده تحطي معاها اَي عضله باعطيك مثال 🐒

السبت بطن و صدر

الأحد ظهر و الكتف

الاثنين بطن باي وتراي

الثلاثاء رجل كامله بمافيها الموخره والبطه

الأربعاء بطن وصدر

الخميس ظهر وكتف

الجمعه راحه 🔄 وتبدأي تعيدي 💁🏻‍♀️

مفيش ابسط من كده والله 😂

لو قسمتي وم تعرفي اذا تقسيمك صح أو غلط وريني جدولك واخبرك أو اقترح لك شيء مع إنّو مااحس انه صعب بس شيء طبيعي تتشتتي اذا بالبدايه إنتي 💪🏻

كيف أبدا تمارين ؟؟!

 

دايم السؤال كيف أبدا تمارين ؟ليه أتمرن؟ كيف أتمرن وانا نباتيه ؟وأسئلة عن البروتين .

اول شيء لازم تعرفوه إنتي ايش تحبي ؟يعني ممكن تتمرني رقص ممكن يوغا 🧘🏻‍♀️ممكن تاباتا ممكن بيلاتس 🤸🏻‍♀️لكن الأهم تعرفي تحطي لك هدف وتشوفي ايش جسمك يحتاج عشان توصلي للهدف هذا

يعني مثلا جسمك وزنه عالي أنا أسفه بس م ينفع تحرقيه بيوغا فقط ممكن تضيفي مشي سريع أو سباحه 🏊🏻‍♀️أو نط حبل اَي تمرين يخلي قلبك يدق

يعني فيه انواع رقص تعتبر كارديو واليوغا فيه اللي تخلي جسمك يعرق بس م يدق قلبك وخلي ببالك انك تعرقي مو معناه انك تحرقي لا هذي سموم وأملاح زايده فقط يعني ممكن تحرقي بدون م تعرقي 🙁

طيب كيف أبدا ؟ م عرفت 😓😥

اولا حددي هدفك ويكون هدف واضح ومعقول مثلا بالشهر أتخلص من ٣ كيلو 😌أو اصغر مقاس خصري ١سم 😍هذا شيء معقول وتقدري عليه،

ثانيا لازم تعرفي ان الرياضه قسمين الكارديو وهي للحرق(زي السباحه والجري وتمارين رفع نبضات القلب) ⛹🏻‍♀️والمقاومه وهي اللي تشد جسمك(مو لازم اثقال فيه تمارين مقاومه كثير ومنها تمارين التاباتا والبيلاتس) 🏋🏻‍♀️

ثالثا لازم تعملي جدول تقسمي فيه عضلاتك 💪🏻بحيث تركزي ع شيء مو تشتغلي ع كل شيء😣 يعني بدايه الأيام أبداي خفيف ممكن لاسبوع تختاري تمرين يخلي قلبك يدق بس لمده ١٠ دقايق بما انك بالبدايه لاتجهدي جسمك لأنك راح تدمريه كده 😬وقبله لازم تمارين تحميه لانها تحميك من التشنجات والحوادث اللي ممكن تصير وقت تنفيذ التمارين 😪وبعده لازم لازم ستريتش (تمارين تمدد وأطاله ) وممكن بدايه الأيام تشتري كريم لآلام العضلات زي فكس وديب هيت عشان تقدري اليوم الثاني تتمرني وتتحركي لأنك بتمشي زي العجايز 👵🏻🧓🏻( لازم تحطي ببالك ان تمرين العضلة ع الأقل يكون بينه راحه يومين يعني الْيَوْمَ السبت عملتي تمارين للرجل يوم الثلاثاء تقدري تعملي تمارين رجل مره ثانيه) 🤗

لازم كمان خلال ساعتين تكوني أكلتي وجبه بعد التمرين يكون فيها بروتين عالي 🌮( حعمل موضوع اخر فيه البروتينات النباتيه وأماكن وجودها سواء طبيعي أو باودر) لكن حاليا ك نباتيه أو غير نباتيه البروتين ضروري النباتيه ركزي عالبقول والتوفو البروتين فيه عالي وهو من انقى انواع البروتينات😻

تجهيز الجدول الرياضي حيكون بموضوع اخر باْذن الله عشان م يكون الموضوع دسم وحوسه🤕

بس حقولك كل أسبوع عالاقل لازم يكون عندك يوم راحه تجلسي فيه مع نفسك ولازم يوم تكون فيه وجبه مفتوحه (مو يوم 🙂 وجبه واحده فقط مثل الغدا) الوجبه هذي تقدري تخبصي فيها وفايدتها انها حافز لك 🤩وعشان م تتركي النظام وتطفشي

كمان لازم تركزوا عالنوم 😴النوم ضروري ضروري ضروري لانه وقت الراحه للعضل والجسم كله يركز ع راحه عضلاتك ويبنيها ، واعتذر اذا الكلام مخربط بس اسالوا عن اَي شيء وبعيوني حجاوب🙏🏻

كريب وبان كيك نباتي 🌱

السلام عليكم ورحمه الله وبركاته

صبح صبح 😂

مع الجو الحلو ده الصراحه يحتاج دلع وفطور معتبر🙂 فالمفترض ذي كانت اول وصفه بس م علينا كل تاخيره وفيها خيره 💖

كريب نباتي🌱🙊

المقادير :

كوب دقيق

كوب حليب لوز

م صغيره بيكينج باودر

٢م كبيره سكر جوز الهند

رشه ملح عشان الموازنه

تخلط كلها وبالملعقه تاخذوا تحاولوا تكون رفيعه بالصينيه عالنار دقيقه ع كل طرف

أنا عملت نص الكميه عادي 😋 وبعده فكرت أحط بروتين نباتي فحطيت نص سكوب بروتين نباتي (صن واريور نكهه الشوكلت) 😍

وزدت شوي حليب لانها ثقلت وبس عافيه ع قلبكم😊

الاختلاف بين الكريب والبان بالحليب فقط بدال كوب يصير نص كوب 💖🙏🏻

الحشوه اختياريه ساعات أحط مربى تفاح أو فراوله وساعات محلي اقاف أو سيرب ساعات اهرس موز واحط معاه بينت بتر وساعات اسويه مالح واحط الحشوه خضار مشكله😩

الديتوكس✨

 

السلام عليكم ورحمه الله وبركاته

خلوني أكلمكم عن الديتوكس كثييير يسألوا عنه وفيه اللي يقول انها مويا وجواتها فواكه أو خضار 🤷🏻‍♀️ واللي يقول انه فيه ديتوكس للشعر وديتوكس للبشره وكل ذَا الحكي عباره عن “إعلانات”🙅🏻‍♀️ والله اعلان فقط هما استغلوا انتشار كلمه الديتوكس وأنها مرتبطه بتنظيف الجسم

فيه اللي جابوا حبوب مثلها مثل الملين وهذي وظيفتها انها تنظف المعده وكلام فاضي وقالوا ديتوكس 🙄 وهي نتايجها نفس شاي الاعشاب
والنوع اللي هوا طين للبشره وقالوا يصفي وكلام فاضي وهي صدقوني م تختلف عن الماسكات العاديه اللي نسويها 💆🏻‍♀️
والهير ديتوكس اللي هوا كيس فيلو شيء سائل وتحطيه ع شعرك ويقولك حيطلع شعرك يبرق وناعم وقوي وينظف المسام وينعش وكلام إعلانات وهو نفففس الماسكات العاديه
هذول الثلاث كذب كذب كذب وكلام فاضي والله فقط عشان يكسبوا فلوس ومالهم اَي فايده ولايستاهلوا القيمه اللي حاطينها عليها 🙂💔

اما تبع المويا وتقطعي شرائح خيار شرائح فراوله شرايح كوسا هذي بس عشان إنتي تحبي المويا ويصير له نكهه بس مو ديتوكس كمان ، حتجي وحده تقول أنا جربت وكنت ادخل الحمام أو بتقول انحف ببساطه مو هما يقولوا لك عشان تنحني وقت الديتوكس لازم تتبعي النظام الغذائي الفلاني ولا م حتشوفي نتيجه ترا نفسه لو اتبعتي نظام كويس بتنحفي 😂

طيب اجل ايش هول الديتوكس؟ كيف انظف جسمي ؟ كيف اخلي بشرتي حلوه ونضره؟😍🙊

سهل مرره عدلي نظام حياتك🌚 تبغي بشره نضره؟ كلي فواكه وخضار كثير 🍏🍐🥦🥒 واشربي مويا ع حسب احتياجك ونامي بدري .

تبغي تنظفي جسمك حعطيك مشروب بس قوي تراه وينشرب مررره بالشهر مره وحده بس 🌚( ع حجم يدك حطي سناء مكي بصحن ، شوي حُمر ، ملعقه أكل كمون، ملعقة اكل ينسون ، ملعقه صغيره زيت زيتون وكوب مويا حاره) من الليل تعمليه وتتركيه يتنقع لحاله اول م تصحي تشربي كوب مويا فقط وبعده تصفي اللي عملتيه وتشربيه بعده بساعه تقدري تأكلي . أنا اول مره شربته وربي قعدت ابكي بالحمام من الالم😄 وعادي كونه اول مره اعمله ولاتستحوا بنات بس نصيحه اعملوه بيوم اقعدوا لحالكم فيه وبتحتاجوا مويا كثير وترتاحوا 😶.
يعني من الان لاتخلوا احد يخدعكم هذا ينظف الجسم وهذا ديتوكس وهذا وهذا كللله كذب والله🙅🏻‍♀️  وأي سؤال أنا حاضره اكتبوه تحت ترا اقرأ كلامكم 💖💖 

عصير فواكه مشكله 🍓🍐🍌

تضحية المرء بصحته في سبيل أي نوع آخر من أنواع السعادة هو أكبر الحماقات.

– آرثر شوبنهاور –

 

سلام كيفكم ي صحييين 🌱

يجيكم احساس اللي أنا مو جيعان بس لازم اكل هذا أنا اول مااصحى من نومي مو جيعانه بس لازم أفطر فغالبا ع حسب المود اذا مزعوجه أو مودي عالي 🌚

وانا الْيَوْمَ مودي الحمدلله عالي فأبغى شيء حالي وقررت أفطر حليب بالفواكه 🙊اذا تعرفوا عصير جي داااايم كنت اشربه قبل احول نباتيه والحمدلله عرفت وصفه نفس طعمه 🤗 المكونات 🌱:

حبات فراولة (حسب اذا كانت حاليه أو حامضه اذا حامض لاتكثروا) 😣

مكعبات مانجو

مكعبات جوافه 🍐
موزه كامله🍌
حليب نباتي  (أنا استخدمت حليب شوفان )

وبس كل المكونات بالخلاط ولا ألذ 🍹

وصفه خفيفه وطعمها لذيذ عافيه يارب ••

مربى التفاح’’

السلام عليكم ورحمه الله وبركاته             

اول موضوع للوصفات هو مربى التفاح لان بعده الوصفه ذي نحتاج فيها مربى فحبيت يكون الاول 🙏🏻🙂 

المربى اللي بالسوق مليااانه سكر 😷 وانتوا عارفين ان السكر لما يكثر عن الاحتياج اليومي يتحول الى دهون في الجسم صعب تروح.. فراح اعلمكم طريقه مربى سكر قليل وطعمها يجنن ومافيها مواد حافظه ولا الوان صبغ 💪🏻

المكونات:

 تفاحة مقشره ومقطعه او مبشوره

 1\2 كوب ماء

اما كوب سكر جوز هند او دبس التمر

1 ملعقه صغيره قرفه                                                                                                            

تنحط كل المكونات جوا القدر وتنتظري لين تصير بقوام المربى المهم تقلبيها ولا بتنحرق .                       الكميه بتكفي حق مرتين او ثلاث فقط وصالحه لمده شهر تقريبا                                                       الفرق بين التفاح المبشور او المقطع ع حسب تبغوها ناعمه او فيها قطع الفاكهه ونفس الطريقه لاي مربى، انا استخدمت دبس التمر لان ماابي سكر بس لكم حريه الاختيار.

الوصفه لذيذه لذيذه والله وسويتها لاخوي الصغير ماكان عارف انه انا مسويته ويقول طعمها ألذ من الجاهزه 🙈

النباتية 🌱 ’’

اكتشفت ان الانسان لايحتاج للحصول على البروتين من اللحوم ليكون رياضي ناجح في الحقيقه افضل سنه في انجازاتي الرياضيه كانت السنه التي حولت فيها للنظام النباتي فيغن “كارل لويس “🥇

السلام عليكم ورحمه الله وبركاته

كيفكم؟؟ الاسبوع دا طول الوقت وانا اعدل عالموضوع لان معلوماته كثيره وماابغى اكتب كلام كثير يطفش القارئ اتمنى م تزهقوا🙏🏻.

اللي م تعرفوه عن اللحوم هي انها في وقتنا الحالي مليانه هرمونات والسبب انه المزارعين يحقنونها بابر هرمونات 💉😫 حتى تنتفخ البقره او ايش م تكون 🐓🐑🐄وهذا الشيء يضرنا طبعا من ناحيه انه انتي بكره كانثى بتجيك امراض غير تكيسات, خربطه هرمونات, طبعا هذا بس من الهرمون المحقون . اما من ناحيه ضرر اللحم فهو يسبب كوليسترول, انسداد بالشرايين, امراض القلب, امراض كثيره ومنها السرطان. والذكور نفس المشاكل خربطه هرمونات طفل عمره تسع سنين تلقوه مصاب بسمنه وصدر وحوض واسع .

اللحم والدجاج كلها مواد مضره لك ايش فايدتها ؟ بروتين البروتين موجود بالنبات ، الفيتامين B12 هو اصلا مو موجود غير بالتربه ويتم حقنه بالحيوان انا الى الان الحمدلله من يوم النباتيه ماعندي نقص بالفيتامين ب عكس لما كنت اكل لحوم والسبب كان يرجه لسوء امتصاص في الجسم بسبب معدن (ناسيه اسمه 🙂💔)

السمك او الأكل البحري عموماً 🦀🦑🐙🦐🐠🐟

لو نرجع لبيئه السمك قبل ادخل في تركيب السمك فالبحر وسخ ومجرثم بشهاده الجميع ومليان زئبق وهذا مضر لكم طبعا اما من ناحيه السمك نفسه غير المبيدات والجراثيم اللي ياخذها من البحر جسمها مليان دود وفيه كثييير وثائقيات تحكي عن ذا الشيء فهنا يصير كوليسترول وزئبق فيه اضرار اكثر بس م عندي معلومات كافيه الى الان .

الان اللي راح يعطيني عذر انه انا اربي البقره او الخروف او الدجاجه ومااحقنها او تغذيتها كويسه ردي لك ي عزيزي الضرر نفسه نفسه ماتغير غير جزء الحقن يضل عندك الكوليسترول والمسرطنات وغيره وللعلم الكوليسترول الجسم م يحتاجه لان اصلا الكبد ينتجه فانت لما تعطيه كميه عاليه من الكوليسترول.

الحليب 🐄🍼🥛

اللي طول الوقت واحنا نبلع فيه هو اصلا حليب لصغير البقره عشان يخليها تكبر بسرعه ماهو لك ي عزيزي وكمان مليان كوليسترول

اخر جزء وهو للحامل 🤰🏻

رجاء خاص انتي تحتاجي فيتامينات اشياء صحيه مش اشياء تضرك البروتين وقادره تعوضيه بالبقوليات وغيره من النبات لما تسالي دكتورتك اسالي كمان اخصائيه تغذيه لها سمعه كويسه مش اي دكتوره . ومعلومه حلوه لك افضل حليب لطفلك حليبك اول ا ثم الحليب النباتي الحليب البقري غير صحي لطفلك ابدا . وراح اجهز لك بوست خاص فيه انتي وطفلك 👼🏻 .

اما انا مرجعي من المعلومات واللي خلاني احول للنباتيه قلت لكم بالبوست السابق انه كان بسبب وحده حسابها بالانستا @vegan.onlynajla اتمنى تدخلوا حسابها وتشوفوا الكم الهايل من المعلومات حاولوا عالاقل مش عشان تحولوا للنباتيه لا حاولوا بس كمعلومات .